Պատրաստեց՝ ՇՈՒՇԻԿ ՄԱՒԻՍԱԳԱԼԵԱՆ
-1-
Կիտրոնը` որպէս մաքրող հեղուկ: Կիտրոնը կեղուել, կտրտել, վրան 150 մլ. քացախ աւելցնել եւ ամբողջ գիշեր մը պահել: Յաջորդ օրը քամոցէ անցընել եւ փոխադրել սփռիչ շիշի մէջ, աւելցնել 150 մլ. ջուր, կիտրոնին կեղեւները եւ անանուխի մէկ-երկու տերեւ:
Այս հեղուկով կարելի է մաքրել սառնարանը, մանրալիքը, խոհանոցի սեղանը, ծորակները, ապակին…
-2-
Խոհանոցի աշխատանքի տախտակը մաքրելու եւ հականեխելու լաւագոյն միջոցը, զայն կիսուած կիտրոնով եւ սոտայով կամ աղով շփելն է:
-3-
Պղնձեայ իրերը մաքրելու համար զանոնք շփել կիսուած կիտրոնի կտորով մը, որուն վրայ աղ ցանուած ըլլայ:
-4-
Տան ծորակները փայլեցնելու համար նոյնպէս օգտագործել կիսուած կիտրոնի կտոր մը:
-5-
Եղունգները մաքրելու եւ զօրացնելու համար զանոնք շփել կիտրոնով:
-6-
Դէմքին վրայի մութ արատները թեթեւցնելու կամ չքացնելու համար զանոնք օրական օծել կիտրոնի հիւթով:
-7-
Սառնարանէն տհաճ հոտերը չքացնելու համար օգտագործել կիտրոնի հիւթի մէջ թաթխուած սպունգի կամ լաթի կտոր մը:
-8-
Գիշերը մարզանքի կօշիկներուն մէջ կիտրոնի կեղեւ զետեղելով` կարելի է զանոնք ձերբազատել տհաճ հոտերէն:
-9-
Տան օդը մաքրելու եւ անուշ բոյր սփռելու համար կիսուած կիտրոններու վրայ մեխակի գամեր մխրճել եւ ապա եռացած ջուրի մէջ 5 վայրկեան խաշել… կիտրոնին բոյրը նաեւ տրամադրութիւնը կը բարձրացնէ:
-10-
Կարելի է կիտրոնի կեղեւները վերածել սիրուն մոմակալներու: Կիտրոնը կիսել, միջուկը փորել հանել, ապա մէջը փոքրիկ մոմ մը զետեղել: «Մոմակալ»-ը զետեղել պնակի մը կեդրոնը եւ շուրջը զարդարել խնկունիի եւ այլ ճիւղերով:
Այլազան – Ժամանց.
Կրնա՞ք Ամբողջացնել Կիսատ Մնացած
Հայկական Առածներն Ու Ասացուածքները
Ժողովրդային առածներն ու ասացուածքները դարերու խորքէն մեզի հասած իմաստալից, կարճ ու կտրուկ խօսքեր են: Մեր նախնիները մեր ժողովուրդին բազմադարեան հարուստ անցեալէն մեզի հասցուցած են բազմահազար առածներու եւ ասացուածքներու ամբողջ հարստութիւն մը: Ընթերցողը անոնց ընդմէջէն կը հանդիպի երբեմն ծիծաղելի եւ զուարճալի պատկերներու, երբեմն ալ` խիստ եւ քննադատական արտայայտութիւններու, բայց եւ այնպէս անոնց ետին ան միշտ ալ կը գտնէ օգտակար թելադրանք մը, խրատ մը, զգուշացում մը:
Հաւանաբար դուք ալ ծանօթ էք հայկական առածներու եւ ասացուածքներու, զանոնք լսած եւ սորված էք ձեր մեծ հայրերէն կամ մեծ մայրերէն եւ կամայ թէ ակամայ կը գործածէք ձեր առօրեայ խօսակցութեան ընթացքին:
Որքանո՞վ ծանօթ էք մեր հայկական առածներուն եւ ասացուածքներուն. արդեօք կրնա՞ք ամբողջացնել զանոնք:
Եկէ՛ք փորձենք:
-1-
Ագռաւին ճուտը իր………………………………………………………..համար սիրելի է:
-2-
Ամրան անձրեւին, ձմրան……………………………………………..մի՛ հաւատար:
-3-
Ուրիշին ձեռքին նայողը………………………………………………..կը մնայ:
-4-
Արագ գացողը, շուտ կը…………………………………………………..:
-5-
Տուն մի՛ գներ,……………………………………………………………….գնէ:
-6-
Ալիւրը մենք մաղեցինք, ……………………………………………….ուրիշները կերան:
-7-
Լոյսը կը բացուի, …………………………………………………………. հետը:
-8-
Հաց ըսին` հասաւ,…………………………………………………………ըսին` փախաւ:
-9-
Մօրը տես, ……………………………………………………………………..ուզէ:
-10-
Արգիլուած……………………………………………………………………..համով կ՛ըլլայ:
-11-
Դառնութիւն չճաշակած, …………………………………………………համը չես հասկնար:
-12-
Եղիր………………………………………………………………………………գերի, մի՛ ըլլար անգէտին սիրելի:
-13-
Դրացիիդ ցանկայ…………մը, որ Աստուած քեզի տայ…….,,,մը:
-14-
Զաւակը չծեծողը……………………………………………………………կը ծեծէ:
-15-
…………………………………………………………………………………..հինը լաւ է, հագուստին` նորը:
Բուսանուններու Բառարան`
«Նայիրի» Համացանցային
Բառարաններու Կայքին Վրայ
«Նայիրի» Համացանցային
Բառարաններու Կայքին Վրայ
«Նայիրի» համացանցային բառարաններու կայքին վրայ վերջերս զետեղուեցաւ Ռուբէն Ղազարեանի «Բուսանունների հայերէն-լատիներէն-ռուսերէն-անգլերէն-ֆրանսերէն-գերմաներէն բառարան»-ը, որ լոյս տեսած էր Երեւան, 1981-ին: Բուսանուններու բառարանի ելեկտրոնային այս տարբերակը պատրաստուած է Համազգայինի հովանաւորութեամբ:
Այս աշխատանքին գլխաւոր բաժինը կը պարունակէ 3150 հայերէն բուսանուն եւ 1378 յօդուած, որոնք թուարկուած են: Բառարանը ունի նաեւ հինգ անուանացանկեր, որոնց միջոցով կարելի է հինգ լեզուներով որոնել բուսանունները եւ ստանալ հիմնական` հայերէն բառարանի յօդուածին թիւը:
Բառարանին մէջ պատկերահանուած տարբերակը հասանելի է հետեւեալ հասցէով` www.nayiri.com
Երէկ Հաճոյախօսութեան
Միջազգային Օր Էր
Երէկ, Մարտ 1-ը հաճոյախօսութեան միջազգային օր էր:
Այս օրը ստեղծուեցաւ 2003-ին, Հոլանտայի մէջ. զայն ստեղծողներուն փափաքն էր, որ անիկա դառնայ «Աշխարհի ամէնէն դրական օրը»:
Սկզբունքը պարզ է` մարդ արարածը ինքզինք արժեւորուած եւ լաւ զգալու համար պէտք ունի երախտագիտական խօսքերու, եւ ինչո՞ւ զանոնք զլանանք մեր ընտանիքին անդամներուն, գործընկերներուն, դրացիներուն եւ այլն…
Նշենք, որ մարտ ամիսը հարուստ է միջազգային օրերով անոնցմէ թուենք`
Մարտ 3-ը` Աղօթքի Միջազգային օր
Մարտ 8-ը` Կնոջ
Մարտ 12-ը` Համացանցի վրայ գրաքննութեան դէմ Միջազգային օր
Մարտ 14-ը` Քաղցկեղի դէմ պայքարի միջազգային օր
Մարտ 18-ը` Քունի Միջազգային օր
Մարտ 20-ը` Երջանկութեան միջազգային օր
Մարտ 21-ը` Բանաստեղծութեան միջազգային օր
Մարտ 27-ը` Թատրոնի միջազգային օր
Խոհագիր
Շերտաւոր Գետնախնձոր
Բաղադրութիւն 4-6 անձի համար
3 ապուրի դգալ կարագ
2 ապուրի դգալ տաշուած փարմըզան պանիր
1 թէյի դգալ փոշի սխտոր
1 ապուրի դգալ կանաչ ծոթրինի տերեւներ
Աղ-սեւ պղպեղ
8-10 գետնախնձոր
Պատրաստութիւն
Փուռը տաքցնել 180 ջերմաստիճանով: Առնել քափ քէյքի կաղապար մը, իւրաքանչիւր փոսիկ կարագով ծեփել:
Գետնախնձորները կեղուել եւ յատուկ գործիքով շատ բարակ շերտել, փոխադրել խորունկ ամանի մը մէջ աւելցնել մնացեալ կարագը, փարմըզան պանիրը, աղը, սեւ համեմն ու ծոթրինը եւ բոլորը միատեղ խառնել:
Խնձորի շերտերը վրայ վրայի շարել եւ տեղաւորել քափ քէյքի կաղապարին փոսիկներուն մէջ:
Կաղապարը փոխադրել փուռ եւ եփել 50-60 վայրկեան, մինչեւ որ գետնախնձորները ոսկեգոյն դառնան եւ անշուշտ եփին:
_______________________________________________________
Ժամանցի Պատասխաններ
Պատասխան 1 մօր, 2 արեգակին, 3 անօթի, 4 յոգնի, 5 դրացի, 6 փախլաւան, 7 բարին, 8 գործ, 9 աղջկան, 10 պտուղը, 11 քաղցրութեան, 12 գիտունին, 13 հաւ-կով, 14 ծունկը, 15 ընկերոջ
_______________________________________________________
Շաբթուան Բանաստեղծութիւնը
Հայկական Անուններ
Հայն իր մանկանը կոչել է Ազատ,
Որ ազատ լինի հողը Հարազատ:Բայց յարձակուել են վայրենի՛ մարդիկ,
Եւ նա զաւակին կոչել է Մարտի՛կ:Երկիրն է պղծել թշնամին հրեշ,
Եւ հայրը որդուն կոչել է Վրէ՛ժ:Որպէսզի որդին կռուի տաքարիւն,
Հայրը ծնուածին կոչել է Կորիւն:Նահատակնե՛ր են պէտք եղել հերոս,
Եւ իր մանչուկին ասել է Աւետ:Որ ազգը կռուի եւ մնայ սակայն,
Որդուն կոչել է նա Մնացական:Յոյսո՛վ է ապրել մթնում խաբուսիկ
Եւ անուանել է իր որդուն Հուսիկ:Այժմ հայն ունի բախտաւո՛ր մի կեանք
Եւ զաւակներին անուանում է Հայկ…ԱՐԱՄԱՅԻՍ ՍԱՀԱԿԵԱՆ